სომხურად თარგმნა ანაიდა ბოსტანჯიანმა

სომხურმა გამომცემლობამ – ანტარესი – ირაკლი სამსონაძის რომანი ყურთბალიში გამოსცა.

რომანი დაიბეჭდა ქართული წიგნის ეროვნული ცენტრის მხარდაჭერით.

---

ირაკლი სამსონაძის ყურთბალიში გასული საუკუნის 90-იან წლებზე მოგვითხრობს. იმ დროის ამბებზე, როცა „სიღატაკით გალახულ“ ქვეყანაში დუღს და გადმოდუღს „გაჩინოვნიკებულ-გაქორვაჭრებული“ ცხოვრება. რომანის მთავარი გმირი მწერალია, რომელიც თავს „ყოფილების საზოგადოების“ „ღირსეულ“ წევრად მიიჩნევს და ბოლომდე ვერც ერთ იდეოლოგიას ვერ ეთვისება, რადგან მისი იდეოლოგია ერთი კაცის მრწამსია, რომელსაც მხოლოდ სიყვარულმა შეიძლება უკარნახოს სხვასთან გაერთიანება.