ხუან კარლოს მენდეს გედესი

ხუან კარლოს მენდეს გედესი /ბარკისიმეტო, ვენესუელა, 1967/ – ვენესუელელი მწერალი, რომანისტი, მოთხრობების ავტორი.
ხუან კარლოს მენდეს გედესის რომანებია: „შავი ქვიშა“, „დეკემბერი რომ დაბრუნდება“, „შეყოვნებული ტალღა“, „მადამ კალალუს ცეკვა“, „ჩემოდნები“, „მე-15 რაუნდი“ და სხვები. ხუან კარლოს მენდეს გედესის კალამს ეკუთვნის მოთხრობების კრებულები: „ნანგრევებში“, „წყლის ქალღმერთი“, „იდეოგრამა“, „შეხვედრამდე“, „მისტერ სელინჯერი“ და სხვები.2001 წელს დაჯილდოვდა ლაგუნას ათენეოს VI პრემიით მოთხრობებისთვის.
2009 წელს მიენიჭა ქალაქ ბარბასტროს საერთაშორისო პრემია რომანისთვის „შესაძლოა წვიმა“.
2013 წელს მიენიჭა ვენესუელის წლის საუკეთესო წიგნის პრემია რომანისთვის „შავი ქვიშა“.
2016 წელს წიგნის ბანკმა მიანიჭა პრემია წლის საუკეთესო საბავშვო და საყმაწვილო წიგნისთვის „სულაიმარის პაპა“.
2022 წელს ხუან კარლოს მენდეს გედესი საფრანგეთის პრესტიჟული პრემიის, დეტექტიური ლიტერატურის დიდი პრიზის ფინალისტი გახდა რომანით „შეყოვნებული ტალღა“, ის ერთადერთი ლათინოამერიკელი მწერალია, რომელსაც ეს პატივი ერგო.
2024 წელს დაჯილდოვდა ტიფლოსის პრემიით მოთხრობების კრებულისთვის „ნანგრევებში“.
მისი ნაწარმოებები თარგმნილია ფრანგულ, ინგლისურ, იტალიურ, სლოვენურ, ბულგარულ და გალისიურ ენებზე.