თეონა დოლენჯაშვილი – პერსონალური ქრისტე

თეონა დოლენჯაშვილის ახალ წიგნში ერთმანეთს ენაცვლება ნოსტალგიური, დესტრუქციული და აპოკალიფსური მოვლენები და განწყობილებები.

ოთხი მოთხრობა, რომელსაც ერთი შეხედვით შეიძლება არაფერი აკავშირებდეს ერთმანეთთან, კითხვის პროცესში ერთიან სივრცედ იქცევა, სადაც შესაძლოა ყველაფერი მოხდეს, რაც კი ადამიანის ცოდვა-მადლიან ბუნებაში ჩადებულა უხსოვარი დროიდან.

სოფლის იდილიის მონატრება, უღმერთობისა და პროგრესისგან, გასრესილი და გაუკაცურებული გარემო; ტერორიზმი და მის წინაშე უძლური უსაფრთხოების სამსახურები, რომლებმაც დამნაშავის ძიებაში ხელებდაკაპიწებულებმა, შეიძლება უდანაშაულო ადამიანების ცხოვრება დაანგრიონ. სამყაროს დასასრულის მოლოდინში დათრგუნული კაცობრიობა და ქალი, რომლის ოცნებას – შვილი ჰყავდეს – ქმრის, საზოგადოებისა და საკანონმდებლო აქტების დიდი წინააღმდეგობა ელოდება.

ეს და სხვა ამბები (და დემონები) შეგხვდებათ თეონა დოლენჯაშვილის ტექსტებში, რომლებსაც მძაფრი სიუჟეტები და მოულოდნელი ფინალები აქვს.