მარი მალაზონია – კვებითი შუქნიშანი

25 წელზე მეტია ვხედავთ და ვუსმენთ, ყოველდღე იმეორებს, ადამიანიაო ყველაზე დიდი ღირებულება და სიცოცხლის ფასეულობაზე ზრუნავს სასიცოცხლო კვებით, რომელიც ჭამაზე გაცილებით მეტია. ადამიანების მიმართ გულწრფელი სიყვარულით ადამიანის შესახებ ადამიანებისთვის რომ მოეყოლა, დიდი ხნის წინ შექმნა კვებითი რჩევების შუქნიშანი და ახლა უკვე წიგნად აქცია.

„რატომ უნდა წაიკითხოთ ეს წიგნი? წიგნი საზრდოა ტვინისთვის და ადამიანს ზრდის სულიერად, მორალურად, ემოციურად, ინტელექტუალურად… კვება ასაზრდოებს და ზრდის სიცოცხლეს, რომ ფიზიკურ, მენტალურ და სოციალურ კეთილდღეობაში ადამიანმა საკუთარი თავი იპოვოს. ადამიანის სიცოცხლე და ცხოვრება ხან ერთიანია, ხანაც ერთმანეთისგან გამიჯნული. წიგნი კვებაზე არის საზრდო-საზრდელი იმ ადამიანებისთვის, ვინც სიცოცხლის ზრდაში პოულობს ცხოვრებას“, – მარი მალაზონია.