მანანა კობაიძე – ახალი აგვისტო

მანანა კობაიძეს მკითხველი კარგად იცნობს, როგორც შვედური ლიტერატურის (ტომას ტრანსტრომერი, კარინ ბოიე) ბრწყინვალედ მთარგმნელს ქართულ ენაზე, ისევე როგორც თანამედროვე ქართული პოეტების მთარგმნელს შვედურად.

„მანანა კობაიძის პოეტური კრებული „ახალი აგვისტო“ ლირიკული პოემის შთაბეჭდილებას ქმნის და ერთ მთლიან ლიტურგიულ რეფლექსიად აქცევს მთავარი ლირიკული გმირის/ავტორის პოეტურ ნარატივს. კრებული ორი ნაწილისგან შედგება (პირობითად – კონვენციური და თავისუფალი ლექსისგან). დახვეწილი ვერსიფიკაცია, ღრმა სააზროვნო აქცენტები, გამიზნულად არქაული ტონალობა და ლიტურგიული პალიტრა კრებულს ორიგინალურ, თვითმყოფად იერს ანიჭებს და მკითხველს პოეტის დაუნდობელ აღსარებას განაცდევინებს.“ (ნინო სადღობელაშვილის ბოლოსიტყვაობიდან)