ჟურნალი სოხუმი

პერიოდული ჟურნალის გამოცემის მიზანი იმის შეხსენებაა, რომ აფხაზეთი მხოლოდ რუკა და ტერიტორია არაა… სოხუმი, გაგრა, გუდაუთა, გულრიფში, ოჩამჩირე, ტყვარჩელი,გალი – მეხსიერების მუზეუმში გაუხუნარი ფოტოფირივით ინახავენ ქართველთა და აფხაზთა თანაცხოვრების ისტორიას. ომგამოვლილ სოფლებში თითქოს დრო გაჩერდა, იქამდე, სანამ ისევ არ დავიბრუნებთ ერთმანეთს, სანამ ჩამოსართმევად ხელგაწვდილები ორივე მხრიდან არ მივადგებით გამშვებპუნქტს. იმედია, ეს დრო ძალიან შორს არ არის. მანამდე კი, ამ ჟურნალის მეშვეობით, მკითხველთა გულებში ლიტერატურული ოდისეასავით, ენ გურს გაღმა და გამოღმა იმოგზაურებენ ქართულ-აფხაზური მოყოლილი და მოუყოლელი ამბები.