თამარ ჟღენტი

თამარ ჟღენტი – პოეტი, მთარგმნელი. დაიბადა 1994 წლის 9 მაისს.
თბილისის სახელმწიფო სამედიცინო უნივერსიტეტის მედიცინის
ფაკულტეტის დამთავრების შემდეგ სწავლა განაგრძო დიდ
ბრიტანეთში, ჯერ ჩესტერის უნივერსიტეტში სამედიცინო
მეცნიერებების მიმართულებით, შემდეგ კი მილტონ კინსის „ღია
უნივერსიტეტში“ ინგლისური ენისა და ლიტერატურის განხრით.
არის ლონდინის უნივერსიტეტის თ.ს. ელიოტის სკოლის 2018
წლის სტიპენდიანტი, ინგლისურენოვანი ლიტერატურული
პოდკასტის Triple Treat Bookchat თანაწამყვანი, არტთერაპიული
ბლოგის Rainy-Day-Healing მოწვეული პოეტი. მისი ლექსები და
თარგმანები გამოქვეყნებულია ბრიტანულ და გერმანულ
ანთოლოგიებში, ასევე ევროპული ლიტერატურული ორგანიზაციის
Versopolis-ის ვებგვერდზე. თამარ ჟღენტის სადებიუტო პოეტური
კრებული „წამისყოფა“ (2023) გახდა პრემია „საბას“, „წინანდლის
პრემიის“ და პრემია „მაჩაბელის“ ფინალისტი. 2025 წლის აპრილში
გამოიცა მისი ახალი პოეტური კრებული „მელიას კუდი“.