ზაალ სამადაშვილი

დაიბადა თბილისში 1954 წელს.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის მექანიკა-მათემატიკის ფაკულტეტი. პირველი მოთხრობა ბაბო დაჭრეს გამოაქვეყნა  1983 წელს ჟურნალ ცისკარში. არის მხატვრული ფილმის თემოს სცენარის ავტორი. ასევე დაწერილი აქვს სცენარი მოკლემეტრაჟიანი ფილმისათვის გარსევანი.

გამოცემული აქვს პროზაული კრებულები: ალი გამურულ შუშაში; ბოშები; დუეტი; სანდრო კანდელაკის ჩექმა; მოთხრობები ბიჭებისთვის; ავტოპორტრეტი წიგნების ფონზე; 60, იუნკერ ერისთავის ბუცები (2015) და კალამს მიდევნებით დაწერილი (ესეების კრებული, 2016).

2016 წელს მიენიჭა ლიტერატურული პრემია საბა წიგნისათვის იუნკერ ერისთავის ბუცები ნომინაციაში „წლის საუკეთესო პროზაული კრებული“.