იაპონელი მწერალი. დაიბადა 1935 წლის 31 იანვარს.

დაამთავრა ტოკიოს უნივერსიტეტის ფრანგული განყოფილება. სახელი გაუთქვა მოთხრობამ პირუტყვის შენახვა (1958), რომელშიც მოიპოვა აკუტაგავას სახელობის პრემია, 1959 წელს. ოეს შემოქმედებას ახასიათებს უკიდურესი ინდივიდუალიზმი. მისი ძირითადი თემებია ახალგაზრდა თაობის ბედი ომის შემდგომ იაპონიაში (რომანი დაგვიანებული ახალგაზრდობა, 1962), ყოველგვარი მორალური მოვალეობისაგან შეუბორკავი, თავისუფალი ადამიანის ცხოვრება (რომანები ძახილი, სექსუალური კაცი, ორივე 1963), ჰიროშიმას ტრაგედია, კაცობრიობის მომავალზე ფიქრი (ჰიროშიმული ჩანაწერები, 1966; რომანები ფეხბურთი 1860 წლისა, 1967; გარე მომადგნენ მე წყალნი ვიდრე სულადმდე ჩემისა 1973).