„ჯანსუღ ჩარკვიანი, ჩინებული ლირიკოსი, მცირერიცხოვანთა შორის ერთი იმათგანია, ვისაც ქართული მოქალაქეობრივი პოეზიის სკიპტრა უპყრია ხელთ... მისი პოემები არამარტო თავისთავად არის მაღალნიჭიერი პოეზიის ნიმუში, არამედ თითქოს გეზს, მიმართულებასა და დედააზრს ანიჭებს მთლიანად ქართულ ლირიკას, პოეზიის იმ ერთობ საჭირო ნაწილს, რომელშიც პოეტურ აზროვნებას ადამიანის ბუნების, სამყაროსთან მისი დამოკიდებულების პირადული მოტივი უდევს საფუძვლად“, – ვკითხულობთ ერთ-ერთ შესავალ წერილში, რომელიც ჭაბუა ამირეჯიბს ეკუთვნის.