კითხვებზე პასუხების საპოვნელად და საკუთარი თავის დასაბრუნებლად ანა, მეგობრის რჩევით, ფსიქოლოგს მიმართავს. თერაპიის პროცესი საკუთარ თავში ჩაღრმავებისა და წარსულში მომხდარი, ზოგჯერ მტკივნეული ამბების გახსენების აუცილებლობას აჩენს. სწორედ ასე, ნაბიჯ-ნაბიჯ მივყვებით ანას მოგონებებს – ბავშვობას, სტუდენტობას, პირველ სიყვარულს, კარიერაში გადადგმულ წარმატებულ ნაბიჯებსა და სიხარულს, დანაკარგებსა და სევდას.

 

ეს ჭკვიანი, მიზანდასახული და პრინციპული ქალის ამბავია, რომელმაც თავისი ცხოვრების უდიდესი საიდუმლო დიდხანს ატარა მარტომ. თუმცა, ანა თავის პირველ სიყვარულს წლების შემდეგ შემთხვევით ხვდება და შეჩვეულ ყოველდღიურობასა და ახალ, გარკვეულწილად ბუნდოვანებით მოცულ მომავალს შორის არჩევანის გაკეთება უწევს.