ვახტანგ ჭელიძის ღვაწლი მნიშვნელოვანია ჩვენი ქვეყნის საზოგადოებრივ-კულტურულ და სამწერლო ცხოვრებაში. იგი წლების მანძილზე იყო ლიტერატურული გამოცემების (ცისკარი, ლიტერატურული საქართველო, ხომლი) მთავარი რედაქტორი; მის სახელს უკავშირდება უილიამ შექსპირის, ჯონ მილტონის, დანიელ დეფოს, მარკ ტვენის, რადიარდ კიპლინგის, ერნესტ ჰემინგუეის, ჯონ სტაინბეკის, ჯერომ სელინჯერის უმნიშვნელოვანეს ნაწარმოებთა ქართული თარგმანები; ისტორიული ნაშრომი ქართლის ცხოვრების ქრონიკები (ხუთ ტომად), ასევე უამრავი ლიტერატურული და პუბლიცისტური წერილი.
 

ვახტანგ ჭელიძის ჩანაწერები ერთგვარი მასალაა იმ ავტობიოგრაფიული წიგნისათვის, რომელიც მწერალს დაუმთავრებელი დარჩა.