რაულ ჩილაჩავას საზოგადოებრივი მოღვაწეობა ყველასათვის ცნობილია – ის წლების მანძილზე დიპლომატიურ მისიას ასრულებდა ქვეყნის გარეთ. ამდენად, მისი ჩანაწერებიც, რომლებიც მრავალი წლის ცხოვრების, ფიქრის, დანახულის თავმოყრაა, საინტერესო რეტროსპექტივას გადაშლის მკითხველის წინაშე და მსოფლიოს სხვადასხვა ადგილში ამგზაურებს ჩანაწერების ავტორთან ერთად, ვისთვისაც სამშობლო მაინც უმთავრესი ფასეულობა და მნიშვნელოვანი ადგილია მთელი დედამიწის ზურგზე.