27 იანვარს, 19:00 საათზე, ინტელექტის მკითხველთა კლუბი გიწვევთ ლევან ღამბაშიძის საჯარო ლექციაზე – „ადამიანი – მსოფლიოს მბრძანებელი“. ლექციის თემის წყარო დენიელ ქუინის რომანი ისმაელია.

 

წარმოიდგინეთ, რომ გაწუხებთ განცდა, თითქოს რაღაც არ არის რიგზე. ფიქრობთ, რომ ადამიანი ბუნებასთან მიმართებით სწორად არ იქცევა. გგონიათ, რომ რაღაც აუცილებლად უნდა შეიცვალოს და უეცრად გაზეთში აწყდებით განცხადებას: „მასწავლებელი ეძებს მოსწავლეს. მას უნდა ჰქონდეს მსოფლიოს გადარჩენის გულწრფელი სურვილი. დაინტერესების შემთხვევაში მობრძანდით გასაუბრებაზე“.

 

სწორედ ამ განცხადებით დაიწყო წიგნის მთავარი გმირისა და ისმაელის ურთიერთობა. ისმაელისა, რომელსაც ადამიანის განვითარების შესახებ თავისებური და განსხვავებული ხედვა აქვს. ხედვა, რომელიც გვიხსნის თუ როგორ და რატომ აქცია ადამიანმა სამოთხისგან ჯოჯოხეთი და რა უნდა გაკეთდეს ამ ჩიხიდან გამოსასვლელად.

 

წიგნი ინგლისურიდან თარგმნა ლევან ღამბაშიძემ.

 

 

► იხილეთ ღონისძიება ფეისბუკზე