22 მარტს, 19:00 საათზე, საქართველოს პარლამენტის ეროვნული ბიბლიოთეკის საგამოფენო დარბაზში, გაიმართება კობა იმედაშვილის ავტობიოგრაფიული წიგნის – „ჩემი საუკუნე“ – წარდგენა.

კობა იმედაშვილი (1935) მწერალი, პუბლიცისტი, სახელმწიფო პრემიის ლაურეატი: „გასრულდა ჩემი საუკუნე, წარსულის, აწმყოსა და მომავლის სუბიექტური ნაზავი. გასრულდა ეს წიგნიც, იმ ყველაფრის ფრაგმენტული ანარეკლი, რაც ქრონოლოგიის სრული აღრევით მხოლოდ ჩემს ცნობიერსა და არაცნობიერში არსებობს. „აქ და ახლა“ ყველაფერი ერთად არის, ისიც, რაც საუკუნეებს იქით მოხდა, ისიც, რაც წამის წინ იყო და ისიც, რაც წამის შემდეგ მოხდება ან მინდა, რომ მოხდეს. მხოლოდ ჩემს მერე იქცევა ეს ყველაფერი ერთ უნაპირო და უსაზღვრო წარსულად“.

დასწრება თავისუფალია!