arrow
კატეგორიები
arrow
ავტორები
  • ნოდარ  წულეისკირი ნოდარ წულეისკირი
  • რუსუდან რუხაძე რუსუდან რუხაძე
ვრცლად
სიახლეები
სოლიდარობა სვეტლანა ალექსიევიჩს
02/09/2020
ქართველი გამომცემლები სოლიდარობას უცხადებენ ნობელიანტ მწერალ სვეტლანა ალექსიევიჩს, რომელიც საგამოძიებო კომიტეტმა ოპოზიციის გარდამავალი საბჭოს წინააღმდეგ მიმდინარე გამოძიების ფარგლებში დაკითხვაზე დაიბარა.
 
 
„ჩვენ, სვეტლანა ალექსივიჩის ქართველი გამომცემლები, გამომცემლობა „არტანუჯი“ და გამომცემლობა „ინტელექტი“ მხარს ვუჭერთ ჩვენს ავტორს, ნობელის პრემიის ბელარუს ლაურეატს და ადამიანს, რომელმაც საბჭოთა სინამდვილე და პოსტსაბჭოური მემკვიდრეობა შთამბეჭდავად, შეულამაზებლად გააცნო მთელ მსოფლიოს. „უტოპიის ხმების“ შემოქმედი დღეს თვითონ იმ სისტემის სამიზნედ იქცა, რომლის მსხვერპლებსაც ათეული წლების განმავლობაში იცავდა და ექომაგებოდა.
 
 
2017 წლის სექტემბერში, გამომცემლობა „არტანუჯისა“ და გამომცემლობა „ინტელექტის“ ორგანიზებით თბილისში გამართულ შეხვედრაზე სვეტლანა ალექსიევიჩი ამბობდა: „მე ვიცხოვრე ემიგრაციაში წლების განმავლობაში, მაგრამ მაინც დავბრუნდი სამშობლოში. იმიტომ, რომ სახლი მომენატრა. და იმიტომ, რომ მე მგონია, უნდა ვცხოვრობდე იმ ადამიანებს შორის, ვისზეც ვწერ“.
 
 
შინ დაბრუნებული ალექსიევიჩი მიუღებელი აღმოჩნდა ლუკაშენკოს რეჟიმისთვის, რომელიც ოფიციალურად არ აღიარებდა და, შეიძლება ითქვას, არც იმჩნევდა მინსკში მცხოვრებ ერთადერთ ნობელიანტს პოსტსაბჭოთა ქვეყნებიდან, თუმცა მაინც ითმენდა მის არსებობას. მაგრამ მას შემდეგ, რაც სვეტლანა ალექსივიჩმა საჯაროდ მხარი დაუჭირა ბელარუსი ხალხის მშვიდობიან პროტესტს ავტორიტარიზმის წინააღმდეგ, დაუნდობელი რეპრესიული მანქანა მასაც დაუპირისპირდა.
 
 
დღეს ცივილიზებული სამყარო დგას ჰუმანიზმის იდეალების, სიტყვისა და გამოხატვის თავისუფლების მხარეს, რომელსაც ბელარუს ხალხთან ერთად მთელი მსოფლიოსთვის წარმოადგენს სვეტლანა ალექსიევიჩი, რომელიც, მიუხედავად პუტინის რუსეთის და ლუკაშენკოს 25-წლიანი მმართველობის აკრძალვებისა და მუქარისა, მიისწრაფვის თავისუფალი და დემოკრატიული სივრცისკენ. ჩვენთვის, ალექსიევიჩის ქართველი გამომცემლებისთვის ეს ბრძოლა და პროტესტი ნაცნობი, მშობლიური და განსაკუთრებით დასაფასებელია.
 
 
სოლიდარობა სვეტლანა ალექსიევიჩს!”


სხვა სიახლეები
  • დამკაბადონებლის ვაკანსია
    12/10/2019
    გამომცემლობა „ინტელექტი“ სათანამშრომლოდ იწვევს გამოცდილ დამკაბადონებლებს!   ●  სრული სამუშაო...
    ვრცლად
  • სად შევიძინოთ სასკოლო სახელმძღვანელოები?
    12/09/2019
    „ინტელექტმა“ 2019-2020 წლისთვის მათემატიკის (VII კლასის), ფიზიკის (VII კლასის),  ბიოლოგიის (VII კლასის), მუსიკის (VII კლასის)...
    ვრცლად
  • სასკოლო სახელმძღვანელოები
    03/10/2018
    გამომცელობა „ინტელექტის“ ახალი სასკოლო სახელმძღვანელოების ელექტრონული ვერსიების ნახვა შეგიძლიათ შემდეგ...
    ვრცლად