თეონა დოლენჯაშვილი – ჩანაცვლება

თანამედროვე მეცნიერება ქმნის ახალ ადამიანს, ახალ გონებას, ახალ რეალობას. ქმნის მეხსიერების იმპლანტს, ანაცვლებს ფაქტებს, მოგონებებს, წარსულს, მაგრამ შეუძლია თუ არა მას ჩაანაცვლოს სიყვარული, გამოიგონოს სიყვარულის იმპლანტი, შექმნას ახალი მოსიყვარულე ადამიანი?!

სწორედ ამაზეა თეონა დოლენჯაშვილის ახალი რომანი „ჩანაცვლება“. ეს არის ორი ოჯახის საგა, სხვადასხვა თაობის ადამიანების არსებობის ისტორია თავისი რეალური ადამიანური ვნებებით, სიყვარულით, ღალატით, სიხარულითა თუ ტკივილით და ამ ადამიანური არსებობის თავიდან გადაწერის, შეცდომების გამოსწორებისა თუ ცხოვრების თავიდან დაწყების მცდელობით.