დაიბადა 1974  წელს დედოფლისწყაროს რაიონში.

სწავლობდა თბილისის სახელმწიფო უნივეტსიტეტში ტელე-რადიო ჟურნალისტიკას და გერმანიაში, ბონის ფრიდრიხ ვილჰელმის სახელობის უნივერსიტეტში გერმანისტიკას და შედარებით ლიტერატურათმცოდნეობას (კომპარატისტიკას).

1993-1998  წლებში საზოგადოებრივ არხზე მიჰყავდა გადაცემათა ციკლი თანამედროვე ქართულ მწერლობაზე. (პროგრამებში „ანიდან ჰოემდე“ და „ცხრიდან თორმეტამდე“)

1998-2005 წლებში სწავლობდა შოთა რუსთაველის ქართული ლიტერატურის ინსტიტუტის (უახლესი ქართული ლიტერატურის კათედრა)  და ბონის უნივერსიტეტის შედარებითი ლიტერატურატურათმცოდნეობის კათედრაზე დოქტორანტურაში.

2005 წელს დაიცვა დისერტაცია თემაზე „მეორე მსოფლიო ომის შემდგომი ქართული და გერმანული პოლიტიკური ლირიკა.“

საქართველოში გამოცემული აქვს ექვსი  პოეტური კრებული: „არარსებული სიტყვა“ („მერანი“, 1992), „მოლურჯო თაღი“ („მეცნიერება“, 1996, ქართულ-რუსული გამოცემა),  „ცრემლის ნაფეხური“ („მერანი“, 2003), „ფოთლების ხიდი“ („საარი“, 2009), „ორშაბათი“ („საუნჯე“, 2013), „ოქტომბერი“ („ინტელექტი“, 2020).

2011 წელს გერმანიაში გამოიცა მისი წიგნი „ფოთლების ხიდი“ ("Eine Brücke aus bunten Blättern", Kaukasische Bibliothek, Band 3. POP Verlag, Deutschland), ხოლო 2018 წელს – „თავდაყირა“ ქართულ-გერმანულად გამოიცა („Kopfüber“, Kaukasische Bibliothek, Band 19. POP Verlag, Deutschland).

ირმა შიოლაშვილის ლექსები თარგმნილია რუსულ, ფრანგულ, ინგლისურ, გერმანულ ენებზე და შესულია არაერთ უცხოენოვან ანთოლოგიაში.

გერმანიაში მიღებული აქვს ევროპელ მწერალთა გაერთიანება KOGGE-ის  2020 წლის ლიტერატურული ჯილდო.

ირმა შიოლაშვილი 1999 წლიდან დღემდე ბონის სამოქალაქო რადიო „ლოკომში“ უძღვება საავტორო გადაცემათა ციკლს „სარკმელი საქართველოსკენ“. მუშაობს ასევე გერმანიის საერთაშორისო თანამშრომლობის საზოგადოებაში (GIZ) დოცენტად.