arrow
კატეგორიები
arrow
ავტორები
  • ნოდარ  წულეისკირი ნოდარ წულეისკირი
  • რუსუდან რუხაძე რუსუდან რუხაძე
ვრცლად
ბლოგი
ირაკლი კაკაბაძე – „თბილისის შვიდი ქუჩის ჰაიკუ ჩემი სიზმრებიდან“
24/04/2020

აკოფიანის ქუჩა


სხივზე ადრე მოადგებოდა ჩვენი სახლის კარს
მეზობლის შეშლილი გოგო,
მამაჩემზე შეყვარებული...
 


ივანე ჯავახიშვილის ქუჩა

 
ჭადრების ჩრდილქვეშ, თეთრი ტაძრის შავ ალაყაფთან
მელოდა ჩემი ბავშვობის ქრისტე, დედა როზა,
უზბეკეთში დაბადებული გერმანელი ტყვეების შვილი...

 

მარჯანიშვილის ქუჩა

 
სომხურ ენაზე გაჰკიოდა აივნიდან ბებიამისი,
– გესმის, მწყევლისო, – კისკისებდა  და
მეტროს შენობას მოფარებული ყელს მიკოცნიდა...

 

ივერიის ჩიხი

 
ჩვენი სკოლის წინ, უმზეო და ვიწრო ჩიხში,
ცხოვრობდა ლოთი პიანისტი,
ჩვენი სკოლის დამლაგებელი...

 

შავთელის ქუჩა

 
ჩვენ ვთამაშობდით, ის კართან იჯდა,
სოფლიდან ახლად გადმოსული კლასელი ბიჭი და
დედის უცხო სტუმრების წასვლას ელოდა...

 

ვერცხლის ქუჩა

 
თვალცრემლიანი ცეკვავდა თავის ქორწილში,
ჩვენი კლასელი ებრაელი ობოლი გოგო,
მდიდარ მოხუცზე მითხოვებული...

 

ამაღლების ქუჩა, ყოფილი დავითაშვილი

 
ძალიან ხშირად ამ აღმართზე ავყავარ შვილებს,
იხსენებენ თავის ბავშვობას ძველი სახლის წინ,
რომელიც მე გავუყიდე...
 


სხვა ბლოგები
  • ირაკლი კაკაბაძე – „სიონის ქრისტე და თორმეტი ჰაიკუ“
    15/05/2020
    * შევყურებ ეზოში მოხუც დედაჩემს და ვფიქრობ, ვის უსხამს წყალს, ხეს თუ  საკუთარ სიცოცხლეს?.. * ყველა...
    ვრცლად
  • ბესიკ ხარანაულის ახალი პოემა
    04/05/2020
    ყრმაო...   1.  – აჰა, მოგიჭრი ჯოხს, წამო, ვიაროთ, ლაპარაკით გზა გავახანოთ. ჩემზე ჭკვიანი არც მე ვარ...
    ვრცლად
  • ვენდელ სტივენსონი – „ვრცელი ეპოსი წითელ საუკუნეზე – შენთვის“
    15/04/2020
    ტოლსტოის განზრახული ჰქონდა, „ომი და მშვიდობის“ სიუჟეტი მისი თანადროული ყოფილიყო, მაგრამ მიხვდა, რომ...
    ვრცლად