იმან ჰუმაიდანი იუნისი – ველური თუთა

„ველური თუთა“ მწერლის მეორე რომანია, რომელიც 2001 წელს გამოიცა. წიგნის მთავარი გმირის, სარას საოცარი უშუალობით გადმოცემული ავტობიოგრაფიული ნარატივის ფონზე მკითხველი მთიანი ლიბანის დრუზების თემის ცხოვრების თანამონაწილე ხდება პირველი მსოფლიო ომის შემდგომ პერიოდში.

ჟანრული თვალსაზრისით „ველური თუთა“ ე.წ. განვითარების რომანია, რომელშიც მკითხველის თვალწინ გადაიშლება მთავარი გმირის ფსიქოლოგიური და სოციალური განვითარების გზა. ეს გზა სარას მიერ სამყაროს მისეული შემეცნებისა და საკუთარი თავის ძიების პროცესია, რომელიც გოგონას უკვალოდ გამქრალი დედის ძიების პროცესთანაა გადახლართული.