შესანიშნავ პროზაულ ტექსტებთან ერთად, მკითხველი ირაკლი ლომოურის პუბლიცისტურ წერილებსაც იცნობს, სხვადასხვა პერიოდული გამოცემიდან თუ სოციალური საიტებიდან. ირაკლი ლომოური ისეთივე პირუთვნელი პუბლიცისტი და მოაზროვნეა, როგორც მწერალი. მისი შინაგანი სიფხიზლე, კრიტიკული განსჯის უნარი, მოვლენების ჯანსაღად აღქმა ყველა წერილში იკითხება და გადამდებად მოქმედებს სოციუმზე, რომელიც ტელე- და ინტერნეტ სივრციდან გაცილებით მეტ სიყალბეს ისმენს, ვიდრე სიმართლეს.

წერილები კიდევ უფრო საინტერესო და მიმზიდველი ხდება, როცა მათ მწერალი ჩვეული იუმორით მსჭვალავს. ასეთ შემთხვევაში ირაკლი ლომოურის პუბლიცისტური წერილები არავისთან აგერევათ.